ஏகத்துவ மெய்ஞ்ஞான சபை

Pezhai         »     2014     »     Mar2014     »      உமர் ( ரலி ) புராணம்காவியம்



உமர் ( ரலி ) புராணம்காவியம்

ஆசிரியர்

ஜமாலிய்யா ஸய்யிது கலீல் அவ்ன் மெளலானா
அல்ஹா ஷிமிய் நாயகம் அவர்கள்


முதலாவது உதய காண்டம்


இறையருட்பொழிக வேகனே யீக

நிறைதவத்தவர்க்கு நீடே யருள்க

நறையினின்ப நலம்பொரு டருக

கறையறவாழக் கரந்தரு வாயே.



கொண்டுகூட்டு :

இறைஅருள் பொழிக ஏகன் +ஏ ஈ க நிறைதவத்தவர்க்கு நீடே அருள்க.நறை இன் இன்பநல(மும்)பொருளும் தருககறை அற வாழக் கரம் தருவாயே. 


பொருள் : 

இறையோனே,உன் அருளைநமக்குப் பொழிவாயாக.ஏகனாகிய ஒருவனே,நமக்குக்கொடுப்பாயாக. நின்னைநாடி நற்றவஞ் செய்வோருக்குதெடர்ந்து அருள் புரிவாயாக.தேனை விடஇன்பமான நலத்தையும் பொருட்செல்வத்தையும் தந்தருள்வாயாக.அவ்வாறே ஈந்துகுற்ற மற்று வாழ்தற்கு உன்உதவியைத் தருவாயே. 


குறிப்பு : 

பொழிதல்: மழைபோற்பெய்தல். ஈதல்: கொடுத்தல்,நறை +இன் :தேனை விட.கறை :குற்றம்.கரம் :உதவி.