ஏகத்துவ மெய்ஞ்ஞான சபை

பல வருடங்களுக்கு முன்பு ரீடர்ஸ் டைஜஸ்டில் ஒரு கட்டுரை படித்தேன்அமெரிக்க கப்பற்படையில் மிகப் பெரிய பதவி வகித்து ஓய்வு பெற்ற ஒருவர் நான் படித்த மிகப் பெரிய பாடம் என்ற தலைப்பில் அவர் வாழ்க்கையில் கற்ற பாடத்தைப் பற்றி எழுதியிருந்த கட்டுரை அது.


அவர் கப்பற்படையில் சிறிய பதவியில் இருந்த காலம் அது. நடுக்கடலில் இருந்த ஒரு கப்பலில் ஏதோ சிரமமான வேலை அவருக்கு ஒதுக்கப்பட்டிருந்தது.  வேலைப் பளு அதிகம் இருந்த ஒரு நாள் வேறு சில கூடுதல் பணியும் அவர் தலையில் விழ அவருக்குக் கோபம் தாளவில்லை.  நேராக தன் உயர் அதிகாரியான கப்பலின் கேப்டனிடம் சென்று கோபத்தில் கத்தினார்.  முதலிலேயே என் பணிக்கு உதவியாளரைத் தரவில்லை.  இப்போது இது போல் கூடுதல் வேலை வேறு தருகிறீர்கள்.  எனக்குப் பிரச்சினைக்கு மேல் பிரச்சினை தருகிறீர்கள் என்ற ரீதியில் சுமார் கால் மணி நேரம் விடாமல் பொரிந்து தள்ளினார்.  அவர் பேசியதில் பிரச்சினை என்ற சொல் பல முறை உபயோகிக்கப்பட்டது.



எல்லாவற்றையும் பொறுமையாகக் கேட்ட கப்பலின் வயதான கேப்டன் அமைதியாகச் சொன்னார்நீ பேசும் போது பிரச்சினை என்ற வார்த்தையை அதிகம் பயன்படுத்தினாய். பிரச்சினை என்றால் என்ன என்று உனக்குத் தெரியுமா? உனக்கு முதுகுத் தண்டு முறிந்து போய் படுத்த படுக்கையாய் இருக்கிறாய்அது குணமாக வருடக்கணக்காகும்  என்றால் அது பிரச்சினைஉன் வீடு எரிந்து போய் இருக்கிற எல்லாவற்றையும் இழந்து நீ நடுத்தெருவில்நின்றால் அது பிரச்சினை.. ஆண்டாண்டு காலம் முயன்றால் மட்டுமே சரி செய்ய முடியும் அல்லது சரி செய்யவே முடியாது என்கிற வகையில் வருவது மட்டுமே அது பிரச்சினைஇது போன்ற பிரச்சினை மனிதனின் வாழ்க்கையில் ஓரிரண்டு வரலாம்வராமலும் இருக்கலாம்.


மற்றபடி நீ பிரச்சினை என்ற பெயரில் சொல்லுகின்ற எல்லாமே அசெளகரியங்கள்இது போன்ற அசெளகரியங்கள் வாழ்க்கையில் நிறைய வரும்அந்தந்த சமயத்தில் இது பெரிதாகத் தோன்றும்ஆனல் மணிக்கணக்கிலோ, நாட்கணக்கிலோ இவை சமாளிக்கப்பட்டு மறக்கப்படக் கூடியவைபின்னாளில் யோசித்துப் பார்த்தால் அற்ப வி­யமாகத் தேன்றும்இப்போது ஆத்திரப்படும் உனக்கே ஆறு மாதம் கழித்து நினைத்துப் பார்க்கையில் இது அவ்வளவு பெரிய வி­யமாய்த் தோன்றாது.

 


நான் சொல்வதை நன்றாக நினைவில் வைத்துக் கொள்.  நமது வாழ்க்கை முழுவதும் எல்லாக் கட்டங்களிலும் இது போன்ற அசெளகரியங்கள் நிறையவே இருக்கும்.  இதற்கெல்லாம் பிரச்சினை என்று பெயரிட்டு வாழ்க்கையைப் பார்த்தால் நீ என்றுமே மகிழ்ச்சியாய் இருக்க முடியாது.



அந்த வார்த்தைகளைக் கேட்ட பிறகு எல்லாவற்றையும் ஒரு புதிய கண்ணோட்டத்துடன் பார்க்கத் துவங்கியதாய் அந்த அதிகாரி அந்தக் கட்டுரையில் பின்னாளில் எழுதினார்அவர் சொன்னது மிகப்பெரிய பாடமாக எனக்கு இருந்ததுஅன்றிலிருந்து நான் எனக்குச் சிக்கலை ஏற்படுத்தும் சூழ்நிலைகள் வரும் போதெல்லாம் அது உண்மையான பிரச்சினையா, இல்லை அப்போதைய அசெளகரியமா? என்று என்னையே கேட்டுக் கொள்ள ஆரம்பித்தேன்நம் வாழ்க்கையில் அசெளகரியங்களைத்தான் அதிகம் சந்திக்கிறோம் என்றும் உண்மையில் அவை அவ்வளவு பெரிய வி­யங்கள் அல்ல என்றும் புரிய ஆரம்பித்ததுகோபம், வருத்தம் எல்லாம் குறைய ஆரம்பித்து பொறுமையும், அமைதியும் என்னில் பெருக ஆரம்பித்தது.


அந்தக் கட்டுரை படித்த அன்று பெரிய விழிப்புணர்வை  ஏற்படுத்தியதுஅன்றிலிருந்து அசெகளரியமா, பிரச்சினையா என்று ஒவ்வொரு கஷ்டமான சூழ்நிலைகளில் நானும் என்னைக் கேட்டுக் கொள்ள ஆரம்பித்தேன்சரியான பெயரில் அணுகும் போதே அதைச் சமாளிப்பது எளிதாகிறதுஅசெளகரியத்தின் சக்தி எல்லாம் அந்தந்த நேரத்திற்குத்தான்நிதானம் இழக்காமல் இருந்தால் தூசைத் தட்டுவது போல் அதைத் தட்டிக் களைய முடியும்அப்படி முடியாததை அந்த நேரத்தில் சற்றுப் பொறுமையாகத் தாக்குப் பிடித்தால் அந்தக் கட்டத்தைச் சுலபமாகக் கடக்க  முடியும்அந்தக் கேப்டன் சொன்னது போல வாழ்க்கையில் நாம் பிரச்சினையாகக் கருதுவதில் பெரும்பாலும் அசெளகரியங்களே.


நம்மில் எத்தனை பேர் அசெளகரியங்களை பூதக்கண்ணாடி மூலம் பார்த்து அதற்குப் பிரச்சினை என்று பெயரிட்டு தேவைக்கும் அதிகமாக கொந்தளித்து, நிஜமாகவே பிரச்சினை ஆக்கி, மற்றவர்கள் மன அமைதியையும், நம் மன அமைதியையும் இழந்து அல்லல் படுகிறோம்பல சமயங்களில் நாம்அப்படிப்பட்ட பிரச்சினையைக் கைவிடுவது எப்போதென்றால் அடுத்த பிரச்சினை ஒன்று வரும்போது தான்நீங்களும் நிதானமாக யோசியுங்கள் - உங்கள் பிரச்சினை உண்மையில் பிரச்சினை தானா? இல்லை இப்போதைய அசெளகரியமா? இப்போதைய அசெளகரியம் என்றால் அப்படி உணரும் போதே மன உளைச்சல் தானாகக் குறையக் காண்பீர்கள்

 

 

அதை சரி செய்யப் பாருங்கள்அல்லது அலட்சியப்படுத்துங்கள்அதை சிறிது காலம் தாக்குப் பிடியுங்கள்அப்படிச் செய்தால் அவை சீக்கிரமாகவே விலகுவதைக் காண்பீர்கள்அவற்றிற்கு நீங்கள் தரும் நேரமும். கவனமும், சக்தி விரயமும் குறையும் போது உண்மையான ஓரிரு பிரச்சினைகளுக்கோ, தாங்கள் செய்ய வேண்டிய முக்கியக் காரியங்களுக்கோ அந்த நேரத்தையும், அந்த கவனத்தையும், அந்த சக்தியையும் நீங்கள் தர முடியும்.


பிரச்சினைகள் இருந்தால் தீர்க்கவும், சாதனைகள் புரியவும் இந்தச் சிறிய பாகுபாடும், பக்குவமும் நிறையவே உங்களுக்கு உதவி புரியும்என்ன சகோதரர்களே! படித்ததை உங்கள் சகோதரர்களுக்குப்  பகிருங்கள்!!!